好些男網民在網上表達不滿，說今屆港姐不漂亮云云。我想說，抵你地啦，平時大義凜然說罷看CCTVB，現在人家觀眾投票選了個不合你們心水的，你憑甚麼投訴？
認真的，無線的觀眾組成相比十多二十年前的確變了很多。無線以往由評審員選出勝利者還不是那麼明顯，但像今次港姐這樣100%由觀眾投票選出則會完全反映出來。記得中學時亞視《我和殭屍有個約會2》大結局和港姐決賽是同一天播出，結果是選擇睇殭屍的人多過睇港姐的。大家可以想像一下港姐還有甚麼人在看，而他 / 她們心目中的理想港姐又是否要是模特兒級的靚女一名？
我個人的預測是，若港姐繼續保持由觀眾選出港姐三甲，不久將來相信有會有以下的港姐候選人：
正職老師候選人：「我想同我4D班嘅同學講，我地學校雖然唔係乜名校，但Miss都選到港姐，你地努力讀書，都一定可以出人頭地！」
正職社工候選人：「我今次參賽係想同天水圍青少年中心嘅一班青少年講，姑娘無懷疑過自己，你地都唔好放棄自己！」
正職醫生候選人：「我想同我腫瘤科嘅院友講，你地個個都比我靚！我地一齊奮鬥到底！」