【周博士水電工程系列】馬桶去水渠漏水，搵水喉匠來兩次都搞唔掂，無辦法下唯有自己落手整。整馬桶小貼士：
– 馬桶好多時係靠自身重量同唧膠定位，鎅開啲膠就可以拆除。
– 去水用嘅風琴渠常見長度有兩三種，好似我屋企馬桶係貼盡牆身用最短嘅就得。
– 風琴渠對馬桶嗰邊管內有橡膠邊，如果太短就有可能會漏水。
今次問題就出在水喉匠用嘅牌子條邊太短，所以整咗兩次都漏水。