本來七一衝突後心情沉重，實在無心機寫任何野，不過今早見到篇「我丈夫是防暴隊」嘅文章，登時火滾。

篇文章係由「一名機動部隊人員的太太」所寫。佢憶述丈夫係七一守完立法會返來，筋疲力竭，醒來見到社會上一大堆針對警員嘅歪理，憤怒不已云云。文中一節引述丈夫話示威者掟咗樣野入來，散發不明氣體，警員們怕有生命險所以撤退。佢丈夫仲拋下一句：『我們沒有守好立法會，那不是我們的錯！』

喂警察先生，納稅人每年為警隊提供幾乎無限量嘅資源，等香港警方擁有全世界最精良嘅裝備。你話畀我聽嗰少少白煙你就要撤退？咁下次如果成班示威者去廣華街買氣槍過嚟，你哋馬上走人都得㗎啦，重軍火喎？