見到有不少人分享一遍篇文章，不滿為何食飯就咁多人關心，示威前線最需要嘅防具就無人討論。我諗寫文章同分享嘅人可能對國際貿易同電子商貿無乜留意，而我作為經濟學家睇住個市就係工作嘅一部份。舉個例，上週末美國Amazon上面搵得到嘅60926同60921濾罐突然一夜之間全部斷貨，唔知啲貨去晒邊。斷估可能係全球暖化令到空氣污染加劇，美國人人自危吧？

我想講嘅係，希望大家係表達不滿之前，先諗諗你嘅想法係咪真係無人考慮過。有啲嘢無人講，可能係因為不方便講而唔係真係無人諗過。後生仔有無飯食係人道問題，即使係反對激烈抗爭嘅人都難以異議，公開攞出來講好正常。有啲其他嘢呢就同相熟嘅人討論就好，唔駛畀全世界知道你嘅諗法，亦都唔好問其他人做乜唔攞出來講。大家醒水，好嗎？