既然各大商會都覺得高鐵對經濟發展咁重要，政府就應該好好利用佢地嘅支持，好叫反對派收聲。好簡單，未來十年暫加利得稅半個百份點，用以支付高鐵造價。以現時稅率下未來每年利得稅保守估計平均有一千億計算，半個百份點每年約有三十億，十年就有三百億，正好彌補政府方案同反對派方案嘅造價分歧。

有人會問，加稅唔驚嚇走商家咩？香港利得稅加完半個百份點都只係17%，同新加坡來年度減稅後一樣，加上高鐵建成，經濟發展，中港融合，商家理應留都留唔切，點會走？加利得稅唔會影響班「八十後」，佢地亦無理由反對。皆大歡喜，又唔駛再拉布，政府下星期識做啦？